PT Díaz Castro

O alumnado con ACI do Instituto está a participar nun proxecto europeo con outro centro ubicado nas Illas Azores, en Portugal. Trátase da EB Francisco Ornelas de Câmara.

O proxecto leva por título "Adóptame" e é de corte medioambiental, centrado na árbore como tópico de estudo. Porén, o proxecto persegue a competencia comunicativa do alumnado, así como a súa capacitación no emprego das TAC.

A súa duración irá de novembro a maio, cunha adicación en sesións por semana variable, en función do traballo académico compartido.

Todas as tarefas levadas a cabo neste proxecto estarán publicadas no seu TwinSpace, ao que podedes acceder no enlace que segue.